Dated Aizawl, the 26th May, 2026: Vawiin chawhma khan Union Minister of Fisheries, Animal Husbandry and Dairying, Pu Rajiv Ranjan Singh (alias Lalan Singh) chuan State Government Fisheries Farm-ah sangha khawitute hnenah sangha chi leh sangha chaw a sem.

Minister chuan sawrkar laipuiin sangha vulhtute tan hmachhawp tam tak a neih thu a sawi a. India ram chu khawvela sangha tharchhuak hnem ber pawl a nih rualin hmarchhak state te tharchhuah chu tun aia la tam thei fe a ni a ti a. Mizoram theihna haichhuah kawnga tan lak pui turin sangha vulhtute chu a sawm bawk a ni.

Union Minister hi Minister of State of Fisheries, Animal Husbandry and Dairying Prof SP Singh Bagel, Minister of State of Fisheries, Animal Husbandry and Dairying Pu George Kurian, Mizoram Fisheries Minister Pu Lalthansanga leh Sorkar Official ten an tawiawm a ni.