Serlui ‘B’ Cage Culture-ah Sangha thar tam
Fisheries Department, Mizoram chuan Serlui ‘B’ Tuikhuah a Cage Culture atangin a vawikhat na atan Pangasius sutchi (sangha phuhlip neilo chi) quintal 200 chuang lai a thar chhuak a, tunah hian Mizoram mai nilo state thenawm Assam state-ah te pawh a hralhchhuah mek a ni.
A hlawma la duh tan District Fisheries Development Officer (DFDO) Kolasib, Phone no. 2341493/ 8974112800 ah zawhfiah theih a ni.
Bawm a sangha khawi(Cage Culture) hi RKVY Scheme hnuai atang siam a ni a, North East State zinga a hmasa ber atan Serlui ‘B’ Hydel Project tuikhuahah hian siam a ni. Tunah hian bawm 48 dah a ni a, bawm pakhat len zawng hi 6m x 5m x6m ( a dung meter 6, a vang meter 5, a thuk zawng meter 6) zel a ni. Bawm ah hian Sangha phuhlip nei lo chi Pangus (Pangasius sutchi) khawi a ni. Bawm 24 hi Chawnpui Village Community in an enkawl a, bawm 24 dang hi Bilkhawtlhir Village Community in an enkawl ve thung a ni.
Heng community te hian sangha chaw pek, a bawm tihfai leh a venhim hna an thawk a, sangha tharchhuah te hi hralh anih hnuah a hlawkna Department leh Village Community hian a chanve chanve (50:50) a insem tura ruahman a ni.
For Detailed information Contact:
Director of Fisheries – 2319106
Assistant Director – 2320295/9862373235
DFDO, Kolasib - 2341493/ 8974112800
