Tukin zingkar(25th July 2024)khan Serchhip khawchhung bik a mi te tan DFDO Office tual, New Serchhip Venglai ah leh Serchhip Dinthar Veng, Thumbawk Tuikhur bulah Sangha chi Subsidy in sorkar in a sem a, pakhat Rs.1 zel in Sangha dil nei ten an khul a ni.
Serchhip District chhunga Sangha chi sem tur Supplier atan Buhchang Fish Seed Farm neitu Pu Lalzamliana, Aizawl Dawrpui thlan a ni a, a Sangha chi rawn Supply tur hi Indian Major Carp leh Exotic Carp Mixed a ni anga, Fingerlink 60 - 80mm a ni.
Kar kalta khan Serchhip District chhung Tuikum Circle a mi te tan Sangha chi hi sem a lo ni tawh a, vawiin hian Serchhip Circle a mi te tan sem a ni leh a, a lehpekah Hrangturzo Circle leh Thenzawl Circle a mi te tan sem a ni leh ang.
Serchhip District Fish Farmers Association (SDFFA) chuan an mamawh hun takah kumdang aia hma a Mizoram Sorkar in Sangha Chi Subsidy a lei tur a ruahman chu lawmawm an tih thu an sawi a, sorkar hmalakna chak taka bawhzuitu Serchhip DFDO Pu Lalhmunsanga leh a thawhpuite chungah an lawm takzet tih an sawi bawk.
