Dated Aizawl the 8^th March 2022 (Tuesday) Fisheries Department :     Vawiin khan Fisheries Department leh C.A.U. (Central Agricultural University) hnuaia College of Fisheries, Tripura, tangkawp chuan Mizorama Sangha vulhtu, Fish Farmer te tan Lengpui ah Training an buatsaih.

He training hi Centre of Excellence on Fisheries and Aquaculture Biotechnology phase II - hnuaia buatsaih niin, kan ram a awlsam taka kan hmuh mai theih tur hnimhnah leh bawlhlo te hmanga Sangha chaw tha leh tlawm zawk siam dan te, hautak lo zawka sangha chi siam chhuah dan te leh technology tharlam tak takt e chu College of Fisheries atang a lo kal te chuan an zirtir a ni.

Dr.A.B.Patel, Professor and Head, Department of Aquaculture chuan inlawmna thusawiin, hun  harsa tak karah Training huaihawt theih a ni chu lawmawm a tih thu a sawi. 

Pu Lalthanzuala Deputy Director of Fisheries, Khualzahawm ni bawk chuan, College of Fisheries, Tripura atanga thiamna thar leh tha zawk hmanga zirtirna an rawn pe chu lawmawm a tih thu leh Training chhimtu Sangha vulhtute chuan hlawkpui ngei se a duhthu a sawi bawk a ni.

Dr.I.Shakuntala, Jt.Director, ICAR, Mizoram chuan Mizoram a la vulh ngai loh, Manipur state Fish PENGBA, a vawikhatna atan a College of Fisheries ten vulh chhunzawm tura an rawn lalut chu lawmawm a tih thu leh Pengba chu Sangha man to tak leh tui tak a nih thu a sawi a. Sangha vulhtute hnena he Sangha vulh dan an zirtirna chu an hlawkpui ngei a beisei thu a sawi bawk.

Ni khat awh Training ah hian Pu C.Lalrosanga Addl. Secretary, Fisheries Department chu khuallian niin Zoram Sangha vulhtute tan Technology tharlam tak tak an rawn chhawpchhuah sak a vangin College of Fisheries te hnenah lawmthu a sawi a, Sangha vulhtute pawhin he hun hi chhawr tangkai a, hlawkpui ngei tura tan la zual sauh sauh turin a fuih bawk a ni.

He hunah hian Aizawl leh Mamit District atang a Sangha vulhtu thlan bik mi 30 te an tel a, College of Fisheries, Tripura te rawn lakluh Sangha chi thar PENGBA note engemawzat chu Fisheries Departmental Fish Seed Farm, Lengpui ah a vawikhatna atan chhuah a ni bawk.