Vawiin Dt.25 September, 2026 (Friday) ah Fisheries Department a Directorate leh District a thawktute chuan intuaitharna hun "One day Training Module on Service Matters for Departmental Officials under Fisheries Department" hun an hmang.
He hun hi Pi Zonuntlungi, Director, Fisheries Department chuan hawngin, "Department hnuai a thawktute chuan dan khauh tak phuartu kan nei tih hriat tur, Dan hriatlohna hian tumah min hum ngai loh avangin an zir tur te tha tak zir tur a chahin, Eng hna pawh chelh ila kan hnaah rinawm leh taima tak a thawk tur kan nih thu a sawi bakah Kristian kan nih angin ka hna hi Pathian rawng kan bawlna hmun a ni tih hre turin thawktute a chah bawk a ni.
He hun hi Session 6 ah then niin ATI atangin Pu Lalbiakenga, Dy.Director (Trg), Pu B.Tlangdingliana, Asst.Director, Pu Joseph Lalhmangaiha, Asst.Director leh Pi Lalrimawii, Joint Director (Trg) ten thupui thlan bik "CSS(Conduct) Rules, FRSR, Seniority, Service Book, CCS (CCA) Rules leh TA rules" te an zirtir a ni.
Pi Lucy Lalrinpuii, Deputy Director, Fisheries Department chuan lawmthu sawiin, hun chep leh buaitak kar a ATI hotu ten zirtirna Department tan an pe thei chu lawmawm a tih thu sawiin, Department mal tan a zirtirna pek hi remchang lo tak chunga ATI hotuten an neihsak theih avangin lawmthu a sawi a ni. Fisheries Department pawhin nasa tak a hma an sawn pui ngei a beisei thu a sawi bakah District hrang hrang atang a thawktute khawchhia leh nuamlo tak karah training tihlawhtling tur a an hun leh tha seng a lo tel zawng zawng te hnenah lawmthu a sawi bawk a ni.
