Minister Pu Lalthansanga (Environment Forests & Climate Change, Sericulture, Fisheries, Land Resources, Soil & Water Conservation) chuan dt.28.March.2026 khan Champhai Nghakuai Chiah Runpui 2026 kharna hun a hmanpui
Champhai, 28th March 2026, Minister Pu Lalthansanga'n vawiin khan Keilungliah, Champhaia District Fisheries Development Office leh Keilungliah Reservoir Management Committee tangkawp buatsaih Nghakuai Chiah Runpui 2026 (Fish Festival) chu a khar a, he hunah hian khuallian niin sangha man tha te hnenah lawmman a sem bawk a ni.
Khuallian Pu Lalthansanga chuan Keiluangliaha hetiang hun tha tak sangha mantute tana buatsaih hi ropui a tih thu a sawi a, Bana Kaih hnuaia tanpuina te, PMMSY hnuaia hamthatna te pawh a awm reng a, hmang tangkaia sangha dil tha tak siama tha taka eizawnna insiam thei turte tan chuan heng hamthatna hi lak ngei a that thu a sawi. Hetiang hun hi buatsaih zel theih a that thu a sawi a, sangha mantu zawng zawng te'n an hlut ngei a beisei thu a sawi bawk a ni.
He hun hi Fisheries Secretary Er. Lalrothanga'n a kaihruai a, District Fisheries Development Officer Pi Lalremsangpuii'n lawmthu sawiin kharna hun a titawp a ni. He huna lawmman dawngtute chu heng te hi an ni:
Sangha man lian ber :-
1st - R. Lalhmingliana, Champhai Vengthar - 1.465 kg
2nd - Ramdawngliana Khiangte, Serchhip - 1.215 kg
3rd - H. Lalruatfela, Tuithiang - 1.075 kg
Most catches (sangha man hnem ber) - H. Lalruatfela, Tuithiang (6)
Youngest catch (sangha man naupang ber) - Lianthangpuia, Champhai Bethel - kum 11
Oldest catch (sangha man upa ber) and best woman angler (hmeichhia man tha ber) - Malsawmkimi, Zotlang, Aizawl - kum 44, 636 grams.
