Model Branch YMA,Lengpui chuan an Branch huam chhung Lui khawthlang lam Rawpuichhip leh Hmunpui ram nena an inrina laia luang Dialdawk Lui leh a fintu ah te chuan Mizo Sangha (Local fish) te an inthlahpun hunlai ni a hriat October thlatir lam a ṭanga November thla pum hian Nghafuan ven leh eng hmanrua maha luia nungcha/Sangha man a luikal an phal lova. Tin, Nghafuan tur ti darh zawnga inbual, insuk leh Picnic pawh hemi hun chhung hi chuan tumah tilo turin an ngen a ni.

Hemi hunchhung hian Branch YMA leh a hnuaia Section ten Buk te sualin a ṭul dan a zirin riahchilh te pawh an tum leh a ni. Hun rei tak ata anlo kalpui tawh angin kumtin Nghafuan hunlai hian luidung veng hian YMA member te chhun leh zan zawm zatin an duty ṭhin a. An inpekna a sang em em a. Ei leh in lamah pawh Branch YMA sum piah lamah mi inphal te pawh an che chhuk ṭhin bawk a ni.

Heti khawpa an veng chung pawh hian Lui kal man tawk hi an awm leh zauh ṭhin. Kumin chu ngawrh leh zualin kalpui an tum a, an humhalh thu hi Media lam ah te pawh nasa takin puan zar a ni. Heti chunga thuchhuah ngaipawimawh lova palzut an awm chuan Sorkar dan siam angin na taka hmalak zel an tum thu uar takin an puang bawk a ni.

Hemi hun tiam chhunga Lengpui ram chhunga luidung humhalh a sangha man tum a kallo turin mitin te min ngen bawk a ni.