Mizoram Fisheries Technical Service Association chuan Special Conference Dt.25th & 26th October 2017 khan Conference Hall, Directorate of Fisheries, Aizawl ah neih a ni.
Dt.25.10.2017 chawhma hun hi Pu Lalrochhara, President MFTSA chuan kaihruaiin Pi Zonuntluangi, General Secretary in report a pe a, Pu R.Lalramnghaka, Financial Secretary in finance report a pe bawk a ni. Fisheries Department changtu Minister Pi _ chuan Khuallian niin he hun hi a hmanpui a ni.
Pi _, Fisheries Minister chuan Fisheries Department hmalakna te fakin luidung humhalh chungchanga YMA nena an thawhhona chu lawmawm a tih thu a sawi a. MFTSA member kalkhawmte hnenah chuan hna tuichilh a pawimawh thu sawiin hlawh lakna maia ngai lova hmasawnna tura theihtawp chhuah turin a fuih a. Data Collection ngaih pawimawh a tul thu sawiin kum tina hmasawnna chiang lehzuala hmuh anih theihnan record fel taka vawng turin Minister chuan a chah bawk a. Fisheries Minister chuan hmasawn nana theihtawp chhuah tura fuihin ka ram a ni, ka department a ni tih rilru i pu theuh ang u, a ti a. Fisheries Minister chuan rinawm, taima, dik tak leh hmasawn duhna rilru pu chunga thawhho puiah MFTSA chu a sawm nghal a ni.
He huna Khualzahawm Fisheries Department Secretary Pu Thlamuana pawhin thu sawiin sangha khawitute leh ram tan thahnemngai taka thawk zel turin MFTSA chu a chah bawk a ni.
Tin, Conference ah hian an member chatuan ram pan ta te mi 2 (Pa hnih) sunna hun an hmang bawk.
Conference thupui hi “Sangha Tam Zawk Thar Chhuah” tih niin Pu K._, Executive member, Champhai chuan sawi hawnna a nei a.
Dt.26.10.2017 ah, Pu Lalrochhara, President kaihhruaina hnuaiah Rorelna hun neih a ni a, Department pawipang hrang hrang te rel niin hemi hnu hian kum 2017-2018 chhunga Association hruaitu tur te thlan an ni.
Hengte hi MFTSA hruaitu ah thlan tlin an ni bawk.
President - F.Vanlallawma
Vice. President - Pu C.Laldawngliana
General Secretary - Pu K.Lalmalsawma
Assistant Secretary - Pu Lalsiamliana
Treasurer - Pi C.Lallianpuii
Finance Secretary - Pu R.Lalramnghaka
