Department of Fisheries, Government of Mizoram, India

Mizoram fisheries techncial service association in general conference an nei

Mizoram Fisheries Technical Service Association chuan kum hnih dana a lo neih thin General Conference chu Dt.20^th June 2014 khan I&PR Auditorium ah neih a ni. Chawhma hun hi Pu Lalrochhara, President MFTSA chuan kaihruaiin Pi Zonuntluangi, General Secretary in report a pe a, Pu C.Laldingngheta, Financial Secretary in finance report a pe bawk a ni. Fisheries Department changtu Minister Pu _ chuan Khuallian niin he hun hi a hmanpui a ni.

He Conference thupui hi “Zoram lui sanghate humhalh leh zirchian” tih niin Pu C.Laldingngheta, Financial Secretary MFTSA chuan sawi hawnna a nei a. Fisheries Director Pu M.A.Razi pawhin Association member te fuihna thu tha tak a sawi bawk.

Khuallian Dr._ chuan Zoram lui dunga sangha chi hrang 80 te bakah ornamental fish chi hrang 18 te hmuhchhuah tawh te tha taka humhalh a tulzia a sawi a. Tin, lui sangha te Gelatin a bomb leh tûra hrai thin chu tha lo a tihzia sawiin hetiang anga tih chingte na taka hremna dan khauh tak neih thuai a tul thu a sawi a. Tin, Department a Post ruak fill up leh hmasawnna tur te, service chungchanga hmalakna tur ah pawh theih tawpa hmalakpui tura a inhuam thu a sawi bawk. Tin, sangha khawitute leh Department thawktute thiamna chher hriam turin a khat tawka training neih a tul thu a sawi a. Tin, sum hmuh chhun te daihzai taka hmang turin Department a thawktute a chah bawk.

Chawhnu hunah hian Pu C.Laldawngliana, Vice President kaihhruaina hnuaiah Rorelna hun neih a ni a, Department pawipang hrang hrang te rel niin hemi hnu hian kum 2014-2016 chhunga Association hruaitu tur te thlan an ni.

Tin, he Conference ah hian an member chatuan ram pan ta te mi 4 (pali) sunna hun an hmang bawk.

Hengte hi MFTSA hruaitu ah thlan tlin an ni bawk.