Minister of Fisheries, Mizoram in Fisheries Department a tlawh:

February ni 15, 2019 chhun dar 12 khan Pu K.Lalrinliana Minister of Fisheries chuan Fisheries Directorate Office a tlawh a, Fisheries Conference Hall ah Staff te hmaah thusawina a nei a ni.  Meeting hi Pu C Laldawngliana, Director in a kaihruai a ni. Pu Thlamuana Secretary to the Govt. of Mizoram , Fisheries Department in inlawmna thu a sawi a, Minister chu Department hnuaia District Office te pawh hmuhpui turin a sawm nghal a ni.

Department lam atangin  Staff indaihlohna a nasat avangin hmalak a harsat thin thu leh Department budget a tlem thin avangin harsatna an tawh thin te an lo sawi ve a, Sangha khawi rei tak lo buaipui ve thin Department hrechiangtu  Fish Farmer ngei Minister atan Fisheries Department in an nei hi lawmawm an tih thu an sawi a ni.

Minister chuan kum 1986 vel atanga sangha khawi lo buaipui ve tawh, Aizawl bazaar a mahni sangha tharchhuah motor a lo zuar ve thin anih thu a sawi a. Sa hrisel sangha hi Mizo mipui te pawhin kan ei ve nasa telh telh a, kan mamawh chanve pawh kan la thar chhuah loh avangin sanhga a kan intodelh theih nan nasa taka tan lak a ngai a. Kum tawpah chauh sangha thar kan la chin avangin kum tluanin state dang atangin sangha kan lalut hnem a, hmun danga an tih angin thla 3-4 lek lek uluk taka sangha vulh a, kum tluana sangha hralh chhuak ve thei tura kan farmer te kan zirtir a ngaih thu a sawi a ni.

Tin, kan ram lui sangha tui Nghahrah, nghatun, nghavang te leh luisa dang te hi khawi pun dan kan zir a tul a, Department lam pawhin ruahmanna siam a tul thu a sawi a bawk ni.

SEDP hnuaiah Fisheries lama hma kan sawn theih nan mumal taka hmalak tum a nih thu leh society based a hmalak tum a nih thu a sawi a ni.

Kan ram hruaitu  ho te pawhin sangha vulh hi an tuipui thu leh an zingah pawh Fisheries budget a tlem thin thu leh nasa zawka ngaihtuah an ngaih thu te a lo sawipui tawh thu a sawi tel bawk a ni.