PRESS RELEASE
No. 133/2023
MAMIT-AH NATIONAL FISH FARMERS DAY CUM CAPACITY BUILDING OF FISH FARMER TRAINING NEIH A NI
Mamit 10th July, 2023 : Vawiin khan DC Conference Hall, Mamit-ah District Fisheries Development Office, Mamit buatsaihin Rashtriya Krishi Vikas Yojana - Remunerative Approaches for Agriculture and Allied Sectors Rejuvenation (RKVY-RAFTAAR) 2020 - 21 Scheme hnuaiah National Fish Farmers Day Cum Capacity Building of Fish Farmer Training buatsaih a ni a. Pu V.L. Remliana, Mamit District Bawrhsap chuan khuallian niin a hmanpui.
Khuallian District Bawrhsap chuan kan ram leilung mila kan chin tur leh kan thar tur te kuthnathawktute'n ngaihtuahna hmang thin se a duh thu a sawi a. Kan ramah tuikhawlna a tana tha ber pawl chu tuikhuah a ni a. Sangha a kan intodelh mai bakah Water Conservation lamah nasa takin kan than phah dawn a ni a ti. Sorkar atanga tanpuina kan dawnte anihna ang taka hmang thin turin a chah a. Fish Farmers a training te chu hun lo awm zel tur ngaihtuaha bul tan tha turin leh farmers te hmahruaitu ni turin a chah bawk a ni.
Pu Ramtinchawma, Nalzawl, Mamit District chuan Best Fish Farmer Award a dawng a, A pa aiawhin Pu Lalnunpui'n DC hnen atangin citation hi a dawng a ni. Pu Nunpuia chuan an tuikhuah lianah quintal 120 leh tuikhuah te-ah quintal 70 an tharchhuah thin thu a sawi a. An Tuikhuah enkawl dan leh phailam atanga Sangha lakluh a tam avangin an Sangha tharchhuahte a hralhna lamah harsatna an tawh thin thu a sawi bawk a ni.
He hunah hian Pi Lalremsangpuii, DFDO, Mamit chuan Riverine Conservation & Fisheries Rules (2019) & Act (2022) chungchangah zirtirna pein Powerpoint Presentation hmangin Pi Lalsiamliani, FD chuan Pond Construction & Management tih thupui hmang leh Pu Jimmy Lalbiaktluanga, FD chuan Common Carp breeding tih thupui hmangin zirtirna an pe bawk. He hunah hian Virtual Session of National Fish Farmers Day puala India ram hmun hrang hranga Prime Minister hova hun hman mek rualin interaction neih nghal a ni.
He hun hi Pu Vanlalzama FD Mamit chuan kaihruaiin Mamit District chhunga Sangha chingtu thahnem tak an tel a ni.
