Fisheries Department Lunglei District leh Freshwater Fish Farm Balabhadrapuram, ICAR–CIFE Kakinada Centre, Andhra Pradesh tangkawp chuan ni 19.2.2026 dar 10:00 am khan J. Buana College Seminar Hall ah “Carp & Maha Magur Seed Production & Feeding Management" tih thupui hmangin dil sangha leh Magur chi siam dan leh an chaw buaipui dan one day workshop an buatsaih a, he training hi Pu Lalruatfela Chhangte, Fisheries Extension Officer (FEO) chuan a kaihruai in, Pi Christina Lalramchhani, District Fisheries Development Officer (DFDO) chuan kalkhawm te lawmna thu sawiin Senior Scientist Dr.Shamna Naseemashahul hnenah thilpek a hlan bawk.

Dr. Shamna N., Senior Scientist ICAR-CIFE (FNBP) division chuan inaugural speech a pek bakah programme sawizauna a nei a, training programme neih zui ni in Dr.Shamna chuan Lunglei District sangha khawitu te dil enkawl dan tha zawk zirtirna neiin sangha chi siam chhuah na kawnga an intodelh theih nan ICAR-CIFE chu farmer te pui tur a a inpeih reng thu a sawi bawk a, ST farmer te tan a thlawna sangha tui tir dan an zirtir theih thu a sawi bawk. Training zawh ah hian farmer kal khawm te hnenah Sangha chaw, Chinai, len den, len hrut leh tui lakna pipe an sem bawk a ni.

Khaw 5 atangin mi 50 chuang in he training hi an chhim ani.