ICAR-CIFE leh Department of Fisheries, Mizoram tangkawp chuan 10th-12th February, 2026 chhung khan mihring enkawl na hnuaia Nghavang inthlahpun tir dan tur chungchang ah training pawimawh tak a ko a, he training hi Pu.Lalruatfela Chhangte (F.E.O) chuan kaihruai in Pi.Christina Lalramchhani (D.F.D.O Lunglei) chuan kal khawm te lawmna hun nei in training convener leh khual sawm bik te thilpek hlan na a nei zui bawk. Dr.Prem Kumar ( Principal Scientist, FNBP Division) training convener chuan programme sawizau na neiin training materials hawn na a nei bawk. Khual sawm bik Pi.Jacinta Laltanpuii ( E.E., Irrigation and Water Resources) leh Pu.Lalthakima (D.H.O) te pawh in thu sawiin line departments te thawh ho na thatzia leh a theih dan dan a kan in tawiawm thin zia an sawi lang.

Inaugural programme hi training in zui nghal in Dr.Prem Kumar leh Pi.Christina Lalramchhani ten thupui hrang hrang ‘Dil tui sawngbawl dan, Sangha chi hrang hrang khawi pawlh dan, Sangha chaw sawngbawl dan leh Nghavang mihring enkawl na hnuaia inthlah pun tir tum dan’ hmangin kal khawm te zirtirna an nei ani.

A nithum ni hian District Fisheries Demonstration Farm, Zobawk ah field visit neih niin Dr.Prem Kumar chuan damdawi (Hormone) hmanga sangha in thlah pun tir dan tur common carp hmangin farmer te a entir a; tin, Nghavang pui tur a note lak khawm a dil a enkawl dan tur sawi ho na neih ani bawk. He training programme hi training certificate sem hnu ah khar ani.