Dated Aizawl the 20th May, 2025 (Tue) : Vawiin Dt 20th May, 2025 hian two (2) wheeler Garage, Directorate of Fisheries ah Pi Laltleipuii, Director of Fisheries chuan Office-a thawk tute leh mipui Office dawrtute hman theih turin a hawng.
He hawnna inkhawm tawi hi Pu Lalsiamliana Investigator chuan kaihruaiin Pu Lalrinfela J.E (Fisheries) chuan Technical report a pe bawk.
He two (2) wheeler garage hi Office dawr tu leh staff ten tangkai taka an hman theih nan leh Fisheries Office tih changtlun nan dap chawpin buatsaih leh siam a ni tih Director hian a sawi.
Staff te hnenah lawmthu a sawi rualin kan hna leh eizawnna a ni tih hriat a, kan chhungkua hahdam leh nuamsa tak a kan enkawl theihna kan HNA hi kan zahin thahnemngai leh rim takin kan thawk tur a ni a tih bakah Kan hna te hi Pathian rawng kan bawlna pawimawh tak a ni a ti bawk.
Director chuan Department hmasawnna tur leh thil thaah chuan hotute hrilh hriat leh kawhhmuh thin turin thawktute a ngen bawk.
In tawngtaipui tawn ila , Staff zawng zawng Pathianin malsawm se, Pathianin in hnathawhna zawnah awmpuiin malsawm theuh che u rawh se tiin Director chuan duhsakna a hlan theuh bawk a ni.
Pi Zonuntluangi Joint Director pawhin thusawiin, A ngaihna hria, Thil tha duh leh hma sawnna kawng a theihtawp chhuaha thawk thin Director an nei chu lawmawm a tih thu leh Fisheries Director mawhphurhna a chelh atanga hmasawnna tam tak an neih tawh thu leh tuna hna kal mek leh hna thawh zawh mai tur pawh engemaw zat an neih thu a sawi.
Pi Lucy Lalrinpuii, DFDO Aizawl pawhin Lawmthu sawiin two (2) Wheeler Garage Kan hotu ten min buatsaih sak leh two (2) wheeler dahna/hunna tur kan indaihlohna hria a, kan neih theihna tura ngaihtuahna sengtu zawng zawng chungah lawmthu a sawi bawk a ni.
