Dated Aizawl, the 21^st January, 2026:  Vawiin khan Pu Lalthansanga, Minister, Fisheries Department chuan Fisheries Department hnuaia thawktute Pathian hnena inhlantharna leh infuihtharna hun Conference Hall, Directorate of Fisheries, MINECO-ah a hmanpui.

He hun hi Fisheries Secretary Er.Lalrothanga chuan kaihhruaiin, District hrang hrang a District Fisheries Development Officer te leh Fisheries Extention Officer te bakah Directorate leh Secretariat a thawktute he inhlantharna hun ah hian an tel a ni.

Minister Pu Lalthansanga chuan Fisheries Department in ZPM Sorkar hnuaiah hmasawnna hrang hrang an neihte avang a lawmthu sawiin, hmasawnna nasa zawk an neih mek avangin lawmthu a sawi bakah thawktute chu tunlai thiamna thar hmang tangkai thiam tur leh inzir nasa deuh deuh tur a fuihin, Sangha ah Mizoram chu kan intodelh theih nan a tan la zual sauh sauh turin thawk tute a fuih bawk a ni.

Fisheries Minister Pu Lalthansanga chuan thawktute chu kan nitin eizawmnna hi kan rawngbawlna a ni tih hria in Taima tak a thawk a. Farmer te ngaihsak lehzual turin leh Kalphung thar Mipui sorkar a nih ang ngei a, mipui te ngaihsak leh zual turin a fuih a ni.

Er.Lalrothanga, Secretary, Fisheries Department chuan Department hnathawh kal mek leh lo la awm tur te bakah, Fisheries Department hmasawnna tur Project leh Scheme (CSS) hrang hrang te Powerpoint Presentation hmangin zirtirna leh thawktute fuihna hun hmangin, thawktute chu theih tawp a an hna ah rinawm leh taima tak a thawk tur an nih thu a sawi bakah Fisheries Director Pi Zonuntluangi chuan District hrang hrang a thawktute dinhmun leh hmasawnna bakah staff indaihlohna avanga harsatna an neihte Powerpoint Presentation hmangin a tarlang bawk a ni.

Pi Zonunthari, Joint Secretary, Fisheries Department chuan Midangte thawh hopui thiam a pawimawh thu sawiin Department hmasawnna leh thawktu ten an ngaimawhzawng sawi hona hun a kaihhruai bawk a ni.

Mizoram KVI Board Chairman Upa C.Lalremliana chuan hunserh hmangin, engkim tan hun ruat a awm thu sawiin  mahni hnaah rinawm tak a thawh chu Pathian rawngbawlna pawimawh tak a nih thu a sawi.

Fisheries Department a thawktute inhlantharna hun hi Er.Lalrothanga, Secretary, Fisheries Department chuan kaihruaiin, hun tha leh hlawkthlak tak an hmang a ni.