Dated Aizawl the 10^th Dec., 2021 (Zirtawpni) :    Vawiin ni 10.12.2021 Zirtawp ni hian Fisheries Department thawktute tan a ni 2 awh training neih chu Pu Laldawngliana, MPS, Secretary, Fisheries Department chuan a khar.

He Training programme hi Directorate of Fisheries Conference Hall, Mineco ah neih niin, Fisheries Director Pu F.Vanlallawma chuan Training Programme hi a hawng. Mizoram chhung District hrang hrang atangin Officer te leh thawktu dangte an tel a ni. 

He training programme hawngtu Pu F.Vanlallawma chuan Department ah officers leh thawktu dang mithar lakluh an awm nual thu leh thawksa te pawhin office kalphung leh inrelbawlna chungchang a hriattur mamawh tam tak an neih thu a sawi bakah Training chu Department a hnathawhna a hmasawnpui ngei turin thawktute chu a chah bawk a ni.

Vawiin a Training kharna programme hi Pi Laltleipuii, Joint Director – in kaihruaiin Department a thawktu zawng zawng te mamawh em em training programme tha tak neihna tur a Fisheries Department Secretary Pu Laldawngliana MPS leh Officer dangte hmalakna chu fakawm a tih thu a sawi.

Ni 2 awh Training chhung hian Pu C.Lalrosanga MSS, Joint Secretary Fisheries Department, Pu K. Lalkroschhuanga, Asst. Director, ATI, Pu Rothuama Tochhawng, Dy. Director of Account(Trg), ATI leh Pu Lalrinsanga, Addl. Secretary, DP&AR (GSW) ten Office procedure and Establishment, Conduct rules leh Accounts chungchang ah zirtirna hi an pe a ni.

Vawiin a Kharna hun hmangtu Pu Laldawngliana, Secretary, Fisheries Department  chuan Training hun chhung a zirtirna petu Sorkar mithiamte hnenah lawmthu sawiin, Fisheries Department a thawktu ten an hlawkpui ngei a beisei thu a sawi bakah Department a hna an thawhnaah hmasawnpui ngei tur a a duhsak thu a sawi bawk.