March ni 19, 2026 khan Director, Fisheries Department sawmna angin Fisheries Committee Room-ah PHE aiawh EE, Aizawl Water Transmission Division leh Maubawk Branch YMA ten Tlawng lui, Reiek kai a luidung nungcha  humhalh chungchang sawihona neih a ni.  

PHE Water Supply Reservoir a luidung nungcha te kum 2014 atang khan Maubawk YMA leh PHE Department tanghovin an lo humhalh tawh thu leh a ruk a bomb leh hmanrua hrang hrang hmana lo man ru an awm thin thu leh harsatna an tawh hrang hrang te report ngaihthlak a ni. Tin. Helai hmun hi  Aizawl water supply hmun pawimawh a nih avangin, tui thianghlim pump tur a awm theih nan  PHE pawhin restricted area an lo puan sa anih thu ngaihthlawk bawk a ni. Helai hmunah hian Mizoram lui sangha pawimawh tak tak a awm bakah, lui tui thianghlim a awm reng theih theih nan luidung nungcha an pawimawh thu Director Fisheries Department chuan a sawiin, nasa lehzuala humhalh a pawimawh thu a sawi a ni.  

Meeting chuan heng chhan hrang hrang pawimawh tak tak bakah Aizawl hnai mipui te hmuh phakah Luidung nungha humhalhna hmuhnawm tham leh Aizawl in kan tui tlan ber humhalh a tul zia mipuiin an hriat theihnana hmanraw pawimawh tak a ni theih thu sawiin nasa lehzual humhalh a tul thu pawm tlan a ni. Thuneitu sang zawkah thlenin hmalak nise tiin a rel a ni.