Vawiin Khuangchawi thla ni, 29, 2021 (Zirtawpni) chawhnu dar 2:00 khan Fisheries Department leh Central YMA chuan Mizoram Fisheries Act hnuaia thawhhona an lo ziah tawh angina Luidung nungcha Humhalh tura hmalak dan tur an sawiho. He sawihona hi Fisheries Director Pu F.Vanlallawma’n kaihruaiin, Central YMA atangin Vice President Pu Lalhmachhuana, General Secretary Professor Lalnuntluanga leh Science and Environment Committee hruaitute an tel a ni.
He meeting ah hian heng a hnuaia thute hi sawiho a ni.
1. Luidung nungcha humhalh hi a ram mipui ten hlawkna an neih theih dan tur zawnga kalpui nise. Hetiang zawng hian Awareness nasa lehzual a kalpui tha tih a ni a, YMA Programme, Group Conference, Sub-Headquarter Conference leh General Conference-ah te mipui inzirtirna lam a remchan angin neih thin nise.
2. Thawhhona thutlung a an lo ziah tawh angin Luidung humhalh kawnga hma la tha zual YMA Branch te hnenah lawmman siam tur a ni a. Kum 2022 YMA Rorel Inkhawm atangin Lawmman hi sem tan nise. Hma la tha endik dan tur criteria hi Fisheries Department leh CYMA ten duang ho ang.
3. Luidung humhalh Branch te chu Mizoram Fisheries Portal ‘ Fish info Mizoram’ ah in register vek tura hmalak nghal remtih a ni a, heta in register lo chu lawmman la thei zingah an tel thei lovang.
