Vawiin May ni 12, 2026 khan Pu Lalthansanga, Fisheries Minister Pisa-ah Fisheries Department leh Central YMA hotute hi an thu khawm a. Er. Lalrothanga, Secretary, Fisheries Department kaihhruaina in thawhhona thuthlung hi an ziak a ni. Kum 2021 atang khan kum 2 atan zel Mizorama luidunga nungcha te humhalh tura thawhhona hi neih thin a ni a. Tun hi a tum 3na a ni ta a ni.

Hetianga luidung humhalhna lokal pui tawh hian rah tha tak chhuahin YMA Branch 93 laiin luidung humhalh bik neiin luia nungcha leh sangha te pawhin an pun phah hle a ni. Luidunga nungcha humhalh chungchang, Sangha man phal loh dan leh man theih dan te, venhim dan te, dan phalloh anga sangha bomb, tura hrai ang chi hremna chungchangah te Fisheries Deptt leh YMA te hian mipuite zirtirna tamtak an kalpui mek bawk a ni.

Thawhhona thuthlung ah hian Fisheries Department aiawhin Pi Zonuntluangi, Director, Fisheries Deptt in hming ziakin,  CYMA aiawhin Pu R. Lalngheta, President in hming a ziak bawk a ni.  Inkhawm kaihruaitu Er. Lalrothanga chuan YMA te nena thawhhona tha tak kan lo nei chu lawmawm a tih thu leh Mizorama Sangha vulh kawnga tihtak zeta beiha sangha tam zawk thar chhuahna atan hman tangkai a tul thu a sawi a. Tha zawk a thawh ho zel a beisei thu a sawi.

Fisheries Minister Pu Lalthansanga chuan Fisheries Department in kawng chi hrang hrang a hmasawn tura nasa taka tan an lak mek thu sawiin chumi atana puitu tha tak mai NGO te CYMA te leh Branch YMA te an lo awm chu a lawmawm a tih thu leh lungrual taka thawk ho zel a, Fisheries in dan a neihte kenkawh chungchangah leh sangha tharchhuah kawngah te hmasawn tura thawhho zel a tul thu a sawi a. Mipui leh sangha vulhtu te pawh a bik taka tan la lehzual turin a fuih a ni.

Fisheries Deptt. & CYMA -Thawhhona Thuthlung (2026)