Fisheries Department in New Secretariat Complex ah Sangha hralhna counter a hawng:-
Fisheries Department Chuan vawiin Dt.28.11.2014 atang hian RKVY Programme hnuaia Cage Culture (Bawm chhunga sangha khawi) Serlui ‘B’ Tuikhuah a hlawhtling taka a kalpui mek atanga thar chhuah chu mipuiten sangha tharlam, man tlawm zawka an lei theih turin New Secretariat complex ah Sale counter siamin Rs.100/kg in a hralh chhuak tan a, heihi mipui-in an hlut hle a ni. Vawiin a ni khat ni hian 3qtl chuang chu hralh chhuah nghal a ni a, hun engemaw chen chu sale counter hi hawn chhunzawm zel tum a ni. A hlawm a la duh tan pawh englai pawhin ngaihven theih a ni e.
Mizoram hi North East a Cage Culture practice hmasa ber leh hlawhtlin pui awm chhun a ni a, tun dinhmunah cage culture atan bawm 96 enkawl mek a ni a, bawm 48 atang hian sangha thar hralh chhuah mek a ni a, tunah hian 100 qtl chuang Mizoram chhung leh pawnah hralh tawh a ni a, a vai chuan 200 qtl chuang chu thar ngei tura beisei a ni. Bawm 48 dang enkawl mek a tang hian nakum 2015 ah thar leh tura ruahman a ni bawk.
He Cage Culture practice hi Department hlawkna mai ni lovin a chhehvel khua ten hlawkna an tel ve theih dan tur ruahman a ni a, Bawm 48 hi Chawnpui leh Bilkhawthlir Village Community ten an enkawl a, Bawm 48 dang hi New Builum Village Community ten an enkawl bawk a, an ni hian sangha chaw pek, a bawm tihfai leh a venhim hna an thawk a, sangha tharchhuah te hi a hlawkna zat leh zat in Department nen insem tura ruahman a ni.
