Dt.18th Jan., 2024(Ningani) : Fisheries Department chuan vawiin ni 18.01.2024 (11:00 Am) hian Directorate of Fisheries Conference Hall-ah infuihtharna hun an hmanga, Pu Lalthansanga, Minister, Fisheries Department leh      Pu Lalliansawta, President, ZPM Headquarter te’n an hmanpui a ni.

 

He infuihtharna hun hi Pu C. Lalzahngoa MPS, Secretary to the Government of Mizoram, Fisheries Department in kaihruaiin, thawktute inhmelhriattirna huna  hmanpui bawk. Pu V. Laltlanliana, Under Secretary to the Government of Mizoram, Fisheries Department chuan hunserh a hmang.

 

 Pu F. Vanlallawma, Director, Fisheries Department chuan Department chanchin, hmalakna leh hmachhawp tlangpuite sawiin, Fisheries Department chu kum 1993 ah Agriculture Department atanga in dang in district sawm pakhat (11) ah Office an neih thu a sawi a. Staff indaihlohna avanga duhthusam a hna an thawh theih loh thin thu a sawi bakah Tun dihmunah Sangha dil nei mi 18,519 (Singkhat sangriat zanga sawm pakua) an awm thu leh sangha thar chhuah pawh metric ton 5029 (Sangnga sawmhnih pakua) a nih thu te tarlang in, Kan ram chhungah Sangha dil siamtheihna Hectare 24,000 (Hectare Singhnih sangli) kan la neih thu a sawi.

 

Tin, he hun hmanpuitu Pu Lalliansawta, President, ZPM headquarter pawhin thusawina hun hmangin taihmakna leh rinawmna nen mahni hna theuh kan thawh chuan kan ram hi ram ropui takah kan siam theih thu a sawi bakah ram nuam leh tha tak siam puiah Fisheries Department a thawktute a sawm bawk a ni.

 

 Vawiin a Fisheries Department Infuihtharna hun a Uaptu Pu Lalthansanga, Fisheries Minister chuan Sorkar thar ZPM sorkar chu mipui awlsamna leh that tlan zawkna tur a ding an nih thu a sawi bakah Pathian Lalram tundin an tum ber a nih thu a sawi a. Dikna, rinawmna leh inpekna nena thahnemngai taka hna thawk theuh turin leh kan ram damlo tidamtu ni ngei turin thawk tute a sawm bawk a ni.

 

Tin, he hun a uaptu Fisheries Minister chuan kumthara Department hmalakna tur hrang hrangte a sawi lang bawk. 

 

Pi Laltleipuii, Joint Director Fisheries Department chuan lawmthu sawina a nei a ni.