Vawiin May ni 13, 2026 khan Dawrpui Multipurpose Centre-ah Fisheries Department buatsaih in Fish Farmer’s Meet 2026 hman a ni. Fish Farmer’s Meet 2026 hi Chief Minister Pu Lalduhawman a hmanpuii a ni.
Chawhma lamah Technical Session hman a ni a. Pi Zonuntluangi Director of Fisheries in inlawmna thu sawiin, Mizoram chhunga fish farmers 22661 awm mek atanga thlan chhuah mi 367 an kalkhawm thei chu lawmawm a tih thu a sawi a ni.
Er. Lalrothanga Fisheries Secretary in Fish Farmers Meet buatsaih a nih chhan sawifiahin Sangha khawituten hlawhtlinna kan neih te, harsatna kan tawh te leh kan sutkian dan te in share tawn a, Department te nen ngaihtuahna seng hova hma kan sawn tlan theih nana buatsaih a nih thu a sawiin, hlawk taka hmang turin kalkhawm te a fuih a ni.
Co-Operative Department atangin Society din chungchanga fish farmers-te hriattur leh Mizoram Rural Bank atangin Sangha khawitute tana loan awm thei te inhrilhhriatna hun hman a ni.
Hemi zawh hian hun buatsaih a nih chhan ber Sangha khawitu kalkhawm ten Sangha khawi chungchang an tawnhriat hrang hrang te, zawhna an neih te leh Department atanga an beisei te sawihona hun hman a ni. Fisheries Secretary Er. Lalrothanga’n fish farmers 492 atanga Department in questionnaire survey a neih atanga Sangha khawitute dinhmun tlangpui tarlanna hun a hmang bawk a ni.
Fish Farmers thlanchhuah mi 6 hnen atangin sangha khawi kawnga an tawnhriat thusawi ngaihthlak a ni.
Chawhnu lam programme hi Chief Minister Pu Lalduhoma chuan hmanpuiin a. District tin atanga Best Fish Farmers thlan chhuah te hnenah chawimawina trophy leh sumfai hlanna hun man a ni. Lawmman semna hi Pi Lucy Lalrinpuii Deputy Director in a kaihruai a ni.
Khualzahawm Fisheries Minister Pu Lalthansanga in thu sawiin Mizoram hi sangha a intodelh turin potential kan neih thu leh chumi ti hlawhtling thei tur chuan kalphung thar kalpui anih tur thu a sawi a, tunah chuan tanpuina pawh a hmu tur dik tak, ti hlawhtling ngei tur thlan an ni anga, a dawngtute pawh mumal taka enzui an nih theih nan dashboard siam a nih tur thu a sawi a, kalkhawm tute pawh Sangha khawi hi eizawnna tlak anih thu leh ram economy siam thei pawimawh tak anih avangin nasa zawka bei zel turin a fuih a ni.
Khuallian Chief Minister Pu Lalduhawma chuan thusawiin sangha khawitu te bula hun a hmang thei chu lawmawm a tih thu leh taimakna leh tumruhna nen phur takin kan ram sangha mamawh tharchhuak turin tan la turin a fuih a, kan ram a fisheries potential la awm te hmang tangkai turin Sorkar in ngaihtuahna hrang hrang a sen mek thu a sawi a ni.
Pu K Lalrinmawia, Assistant Director of Fisheries in zawhna awm te chhanna hun a hmang a, tin Department hmathlir leh ruahmannate tarlanna a nei bawk a ni.
Fisheries Secretary Er, Lalrothanga’n Fish Farmers Meet 2026 thusawi hrang hrang te khaikhawmna leh kalkhawmte kan sangha vulh kawngah leh sangha thar tam kawngah ngaihtuahna thar seng tura fuih chungin hun a khara ni.
