Vawiin ni 18, July, 2025 khan Fisheries Directorate Conference Hall ah nikhat awh Orientation and Strategic Planning Workshop hman a ni. He Workshop hi Fisheries minister Pu Lalthansanga’n a hmanpui, Fisheries Department hnuaia thawktu hrang hrang, Administrative Deptt, Directorate leh District hrang hranga Officers te an tel a ni.
Minister Pu Lalthansanga chuan thawktu te chu anmahni dinhmun theuha an mawhphurhna te hlen chhuak zel tur leh, Mizoram tana sangha khawitu te hmasawn zelna tur leh sanghaa intodelh theihna tura an ngaihtuahna te seng theuh turin a chah a, tun dinhmuna sawrkar in hma a lakna hrang hrang te a sawi a, sawrkar pawhin theihtawp chhuaha sangha khawi tihmasawn tura hma a lak thu te, sawrkar flagship programme “ Bana kaih” scheme hnuaiah CM Special package kaltlanga sangha khawitu mi 201 lai tanpuina dawng tura thlan an nih thu te, Loan la thei tura Progress Partner 13 thlan chhuah tawh an nih thu leh, loan pawh pekchhuah tan an nih tawh thu a sawi bawk.
Fisheries Department Director Pi Laltleipuiin inlawmna thu sawiin Department dinhmun leh hmalakna tlangpuii a a tarlang pah bawk a ni.
Er. Lalrothanga, Secretary Fisheries chuan fisheries hnuaia kum 10 chhung a hmalakna thlir letna a nei a, hmasawnna tam tak awm chu lawmawm a tih thu sawiin, sangha tam zawk thar thei turin tha zawk leh chak zawka kal dan te a awm em tih sawihona hun atanga he programme
hi buatsaih a nih thu a sawiin, ruahmanna tha siam tur chuan hnathawh tawh te tha taka enzui a, hlawhtlinna te, harsatna tawh te Data mumal neih a pawimawh thu a sawi bawk a ni.
Department Officers atangin Department dinhmun leh scheme hrang hrang hnuaia hmalaknate ngaihthlak a ni a, District officers tin atangin an district dinhmun theuh report ngaihthlak bawk a ni.
Chawhnu lamah sawihona hun hman a ni a, ramchhung sangha tharchhuah ngei a intodelhna kawng zawh turin hmalam hun atana ruahmanna siam dan turte leh technology thar chhawr tangkai theih te sawihona hun tha tak hman a ni.
