Dated 23rd March 2023 khan P&E Minister Saitual ah District Fisheries Development Officer(DFDO) Office a hawng.
He hawnna inkhawm ah hian Khuallian Power and Electricity Minister chuan Saitual a District Fisheries Development Officer(DFDO) office hawn a ni thei chu a lawmawm a tih thu a sawi a , Fisheries Department chu chak zawk a kal zel turin a duhsakna a hlan a ni.
Khuallian chuan Saitual District chu hun reilo te chhungin hma a sawn nasa hle a ni tih sawiin inkalpawhna kawng tha leh awlsam zawk te, tui supply hnianghnar zawk te mipui te hman theih tur a a awm chho zel chu lawmawm a tih thu a sawi . Sawrkar hnathawk leh khawtlang hruaitu kalkhawmte hnenah chuan mipui rawngbawltu kanni tih kan in hriat a pawimawh a chuvang chuan mimal a sum duh leh sum it lutuk te chu tih loh tawp tur a ni, a ti. Thil diklo ti tu chu dan in a pension hnu thleng pawh in a umzui thin a ni, a ti a, thahnemngaitaka hna thawk turin kalkhawmte chu a fuih bawk.
He hawnna inkhawm ah hian khualzahawm Fisheries Department Minister pawhin thu sawiin Saitual chu bial zau tak, Inter state leh international boundary nei a ni a, Department engemawzah a function hnu a District Fisheries officer dah a ni leh thei chu lawmawm a tih thu a sawi.
Fisheries Minister chuan Mizoram a kan lui lian te kan humhalh chuan lui lam sa ah intodelh na tham kan tharchhuak thei a ni, a ti a. Sangha hi uluk taka enkawl a chaw tha taka pek annih chuan an thang duh hle a, sum thawhchhuah kawngah vawk leh bawng vulh aia a hlawk loh na tur a awm chuanglo a, ei leh bar a kan intodelh na chi khat pawimawh em em a ni thei a ni,a ti.
He hawnna inkhawm ah hian Pu Laldawngliana ,Fishery Secretary in hun a kaihruai a,Fishery Director Pu F Vanlallawma leh Saitual DC Pu VL Hruaizela Khiangte ten thusawina an nei bawk.
Khuallian Power and Electricity Minister leh Khualzahawm Fisheries Minister hi Aizawl Mayor Pu Lalrinenga Sailo leh Pu Laldawngliana, Fisheries Secretary , Pu F Vanlallawma Fisheries Director leh Fisheries officer leh staff ten Aizawl atangin an tawiawm a. Saitual DC Pu VL Hruaizela Khiangte leh Saitual a sawrkawr hotu thenkhat leh khawtlang leh NGO a hruaitute hawnna inkhawm ah hian an tel bawk a ni.
